Newyddion Diweddaraf

Mae Rhifyn 4 o H2O nawr ar gael. Mae'r rhifyn yma yn cynnwys:

Cant o gwestiynau i warchod bioamrywiaeth y byd. Mae arbenigwyr ym maes cadwraeth wedi nodi cant o gwestiynau gwyddonol allweddol. Pe bai modd ateb y rhain, fe ellid helpu i warchod bioamrywiaeth y byd. Yn ôl yr arbenigwyr, os caiff y cwestiynau’u hateb yn gyflym, fe ellid arwain at golli llai o fioamrywiaeth. I gael mwy o fanylion, cliciwch ar y cyswllt: http://www.nerc.ac.uk/press/releases/2009/09-questions.asp

‘It’s Up to Us’ - Mae’r cyfan yn ein dwylo ni: dyma yw neges ffilm y ganolfan ECO. Mae ffilm a wnaed yn Sir Benfro yn herio plant yn eu harddegau ar hyd a lled Cymru i ystyried y dewisiadau sy’n ein hwynebu o ran newid hinsawdd. Ffilm ddwyieithog yw ‘Mae fyny i ni’ a gynhyrchwyd gan gwmni o Sir Benfro o’r enw ANIMALITY Productions ar gyfer Canolfan ECO Cymru. Dyma ran o brosiect Newid Hinsawdd Canolfan ECO Gorllewin Cymru a lansiwyd yn 2007 gan Jane Davidson, Y Gweinidog dros yr Amgylchedd, Cynaliadwyedd a Thai, ac mae wedi sefydlu’r Ganolfan ECO fel prif gynhyrchydd adnoddau Addysg ar gyfer Datblygu Cynaliadwy a Dinasyddiaeth Fyd-eang.
Ceir mwy o wybodaeth a chlipiau ar www.climatechangewales.org.uk/public/?id=55
Mae’r DVD ar gael yn rhad ac am ddim i sefydliadau addysgol ar hyd a lled Cymru, neu gall y cyhoedd ei brynu am £5. I archebu copi, cysylltwch â Tim Brew, 01239 821903, tim@ecocentre.org.uk.

Mae’r elusen gwarchod natur, People’s Trust for Endangered Species (PTES), eisiau i bawb sy’n gwirioni ar fyd natur gymryd rhan yn y seithfed arolwg blynyddol ar famaliaid yn yr amgylchedd trefol, o’r enw “Living with Mammals”. I gael mwy o wybodaeth a manylion am sut i gymryd rhan, cliciwch ar y cyswllt yma.

Mae PONT yn cyhoeddi grant tair blynedd i gynorthwyo sefydliadau PONT i wella seilwaith a stoc ar lawr gwlad ar safleoedd ledled Cymru a hwyluso rheolaeth briodol gynaliadwy ar bori ar gyfer glaswelltiroedd. Am fwy o fanylion, cysylltwch â Charles Morgan ar 01550 740333/ 07791932484.